Претстави

Три прави, три опачни

ТРИ ПРАВИ, ТРИ ОПАЧНИ
(Седум осмини)
Текст: Никола Пројчевски
Режија: Софија Ристевска Петрушева
Игра: Никола Пројчевски
Јасмина Петровска
Тон мајстор: Христијан Манојловиќ
Светло мајстор: Томе Ѓорѓиевски

 

„Три прави, три опачни“, е сатиричен приказ на животот на обичниот, мал човек, којшто секојдневно се бори да преживее во ова наше општество, деформирано од либералниот капитализам. Невидливиот човек што развива различни стратегии за преживување е главниот протагонист во нашата претстава. Хаотичната политичка и општествена ситуација што не опкружува е коментирана од една иронична гледна точка, што дава дополнителен шарм и хумор на егзистенцијалните проблеми. Пројчевски во самата претстава игра неколку ликови, што самостојно се справуваат со битката за опстанок, и самостојно се трудат да ги реализираат своите желби за подобро утре. Во исто време овие ликови совршено се адаптираат кон суровата и нејасна реалност и стануваат комични и во исто време шармантни критичари на се она што се случува окулу нас. „Три прави, три опачни“, на еден навидум лесен и хумористичен начин, дискутира и опфаќа горки прашања, што не мачат сите нас, и портретира обични луѓе што се трудат да егзистираат во хаосот, и што уопрно и по никаква цена, не се откажуваат од своите соништа.

Лисистрата

„ЛИСИСТРАТА“

од Аристофан

Режија и сценска адаптација: Хакоб Газанчјан

Сценограф: Хакоб Газанчјан

Асистент на сценографот: Софија Стојаноска

Костимограф: Катерина Чукниева

Избор на музика: Хакоб Газанчјан

ЛИКОВИ:

Лисистрата: Ирена Илиевска

Калоника: Марина Поп-Панкова

Мирина: Кети Борисовска

Лампита: Талија Настова

Стримидор: Самоил Стојановски

Филург: Драгана Босниќ

Пратеникот: Васил Зафирчев

Спартанскиот амбасадор: Жарко Спасовски

Кинесиј: Фаик Мефаилоски

Телохранители: Кире Ацевски и Ане Павлов

Времетраење: 70 минути

Место на дејството на претставата: плоштадот спроти „Акропол“. „Акропол“ во наводници бидејќи тоа не е Атинскиот Акропол, туку јавна куќа со име „Акропол“ во Н-тиот град.  Да, штрајкуваат проститутките од „Акропол“ кои се заклучиле внатре во борделот и не ги пуштаат мажите кај себе, додека бандите војуваат едни со други. Државните работи се превртувааат од нога на глава не заради рационални причини, туку заради штрајкот во борделот.

Хакоб Газанчјан