Вести

Злосторство на 21 век

ЗЛОСТОРСТВОТО НА 21 ВЕК“

Автор: Едвард Бонд

Режија: Владимир Милчин

Превод : Владимир Милчин и Ема Маркоска Милчин
Сценографија: Крсте С. Џидров
Костимографија: Марија Пупучевска
Музика: Марјан Неќак


Улоги:

ХокстонМаја Љутков
ГригЖарко Спасовски
ШведскаФаик Мефаилоски
ГрејсТалија Настова


Жанр: современа драма


Времетраење: 2 часа


Премиера: 24-ти април 2019, Голема сцена


„Злосторството на 21 век“ е македонска праизведба на третиот драмски текст од антивоената трилогија на Едвард Бонд, еден од највлијателните и најконтроверзните драмски автори во модерната драматургија.

Едвард Бонд (роден 1934) е англиски драмски писател, театарски режисер, поет, теоретичар и сценарист. Тој е автор на педесетина пиеси, меѓу кои Спасени (1965), чија изведба придонесе за укинувањето на цензурата во театарот во Велика Британија. Многумина го сметаат Бонд за еден од најважните живи драмски автори, но тој отсекогаш бил и останува длабоко контроверзен поради насилството прикажано во неговите пиеси, радикалноста на неговите ставови за модерниот театар и општеството, како и неговите теории за драмата.

„Злосторството на 21 век“ е напишан во 1999 година, а дејството е сместено во втората половина на 21 век. Tоа е дистопична визија на еден свет во кој човештвото е под тотален надзор/контрола. Четворицата отпадници од цивилизацијата се бегалци од жигосувањето со микрочипови, се кријат во урнатините и бегаат од законот, а во нивните односи доминира стравот од поткажување или откривање.

„Свадбата“

СВАДБАТА е претстава за комплексноста на човечките животи кои што константно се поставени пред нови, непредвидливи предизвици. Свадбата на која што присуствуваат нашите четири ликови е централна точка, главен мотив, за откривањето на многу бизарни и неочекувани меѓучовечки врски. На површина доаѓаат многубројните трауми од минатото кои што го определуваат општествено социјалниот контекст на ликовите. Во овој век на либерален капитализам, каде што финансиите масовно го определуваат нашето секојдневие, човечките животи и индивидуалните приказни се најважното средство за борба против суровата и неповратна глобализација. Свадбата е ринг на бескрајните  човечки страсти.
Софија Ристевска Петрушева / режисер

„ПРВИН ЌЕ МЕ ЗЕМЕШ, ПОСЛЕ ЌЕ МЕ…“

ПРВИН ЌЕ МЕ ЗЕМЕШ, ПОСЛЕ ЌЕ МЕ
 
Проектот  „ПРВИН ЌЕ МЕ ЗЕМЕШ ПОСЛЕ ЌЕ МЕ … “ во режија на Ѓорѓи Ризески е независен проект, во продукција на приватаната трупа „ТЕАТАР ПРОВОКАЦИЈА“ -Скопје  и истиот веќе трета сезона се изведува пред преполни салони на сцената на „ТЕАТАР КОМЕДИЈА“. Претставата досега има над 50 изведби, во Тетар Комедија и низ градовите во републиката. 
Актерот Роберт Ристов, за улогата на Џота од „Првин ќе ме земеш после ќе ме…“ ја доби наградата  од меѓународното жири на НЕТА за најдобра машка улога на фестивал „Ристо Шишков“- Струмица.
ЗА  ТЕАТАРСКАТА ПРЕТСТАВА:
Џота и Кети се ликовите кои се пријавени да учествуваат во оваа реално шоу „ОСАКАТЕНИ ДУШИ“ и двајцата со пододминат лимит на години за мажење/женење,  и двајцата со различни животни стории кои оставиле болни траги врз нивните животи.
…Тој, маж со неуспешен брак зад себеси, решен е никогаш повеќе да не се жени и на оваа средба гледа само како на едновечерна авантура…
…Таа – девојка која  заради својот биолошки часовник е во потрага на идеалниот сопруг и е нетрпелива да роди дете. Нејзина одлука е да се мажи вечерва, бидејќи има зацртано дека ќе се мажи до својата 35-та, а оваа вечер го слави токму тој, 35-ти роденден. Ваквите контра очекувања,  оваа средба ја прават исполнета со многу конфликтно-комични ситуации кои во одредени моменти водат до точка на безизлезност. 
Токму затоа, нашиот келнер, кој е и водител на оваа шоу, во секоја ваква ситуација се стрчува во публиката и бара помош од неа.  На секоја изведба публиката, по пат на гласање ги избира сцените кои сака да ги погледне, и со тоа, самата таа избира накаде ќе се развива претставата.  Секој избор завршува со конфилтна ситуација која нуди нови три избори, по што публиката повторно гласа. Ова е принципот по кој се гради претстава и заради кој секоја  изведба е непредвидлива и за публиката и за актерите и е поразлична од претходната.
Во претставата играат:Роберт Ристов, Мирјана Поповска Ристов и Дарко Вељиќ.
Режија:Ѓорѓи Ризевски
Костими:Елена Лука
Сценографија:Роберт Ристов 
Продукција: ТЕАТАР ПРОВОКАЦИЈА

СРЕДА 22.05. од 20:00 Ч. ТЕАТАР ЏИНОТ – ВЕЛЕС 

Цена на билетот:150 ден.